Жито Маркети

Добредојдовте во приказната за ЖИТО МАРКЕТИ (ДПТУ „ЖИТО“ ДООЕЛ Велес), малопродажна компанија која своите скромни почетоци ги разви во препознатлив бренд низ цела Македонија.

Компанијата, која е создадена и негувана од семејството Ѓошевски, е пример за претприемништво и одлучност од самото свое појавување во 1988 година.

Нивното патување започна пред повеќе од три децении кога семејството Ѓошевски го отвори својот прв маалски дуќан за трговија на мало во Велес.

Тоа не беше само бизнис авантура; тоа беше реализација на нивниот сон. Со цврста верба, јасна визија за иднината и непрекинатиот ангажман за служење на заедницата, семејството Ѓошевски го започна своето патување кое го смени целосно малопродажниот пејзаж на Македонија.

Низ годините, со стекнатото знаење, непоколебливата посветеност кон услугата и неоспорливот дух на упорност, сопствениците ги проширија своите хоризонти отварајќи неколку продажни објекти во Велес.

Квалитетот и пристапот кон верните купувачи кои низ годините го поддржуваа нашиот бренд овозможи да ја прошириме својата мрежа на маркети, правејќи значаен чекор со отворањето на својот прв маркет во главниот град на Македонија, Скопје.

Сепак, вистинската пресвртница во нашата приказна се случи помеѓу 2014 и 2015 година. Овој период беше период на експлозивно проширување на брендот Жито Маркети кога отворивме повеќе од 20 супермаркети низ цела Македонија. Оваа стратегиска експанзија го зацврсти нашето присуство и ја засили нашата репутација како водечки малопродажен ланец.

Денес, Жито има мрежа со повеќе од 70 маркети во 20 градови и општини во земјата: Велес, Скопје, Прилеп, Битола, Струмица, Кочани, Виница, Росоман, Градско, Чашка, Делчево, Демир Капија, Валандово, Тетово, Куманово, Неготино, Гостивар, Облешево, Кичево, Македонска Каменица и Гевгелија. Со повеќе од 850 посветени вработени, ние не сме само бренд, туку симбол на квалитет и доверба.